તપાસ પહેલાંની તૈયારી

કોલોનોસ્કોપી (મોટા આંતરડાની તપાસ)

આંતરડું સાફ કરવાની દવા

તમને Peglec, Pegmove, Pegred, Pegwash અથવા Coloprep — આમાંથી કોઈ એક દવા આપવામાં આવશે.

• Peglec: આખું પેકેટ 2 લિટર પાણીમાં ભેળવો અને ઠંડું કરો. દર 10 મિનિટે એક ગ્લાસ પીવો અને લગભગ 2 કલાકમાં પૂરું કરો. ઊબકા આવે તો 30 મિનિટ થોભીને ફરી શરૂ કરો.
• Coloprep: બંને બોટલ પાણીથી ભરીને એક કલાકમાં પી જાઓ, ત્યાર બાદ વધુ એક લિટર સાફ પ્રવાહી પીવો.

શું પી શકાય

ફક્ત સાફ પ્રવાહી: પાણી, દૂધ વગરની ચા કે કોફી, સફરજનનો રસ, સફેદ દ્રાક્ષનો રસ, લીંબુ પાણી, Sprite કે 7-Up.

તમારી રોજની દવાઓ

• આયર્નની ગોળીઓ અને ફાઇબર સપ્લિમેન્ટ એક અઠવાડિયા પહેલાં બંધ કરો.
• બ્લડપ્રેશર જેવી જરૂરી દવાઓ થોડા પાણી સાથે ચાલુ રાખો.
• એસ્પિરિન, વિટામિન અને સામાન્ય દુખાવાની દવા સામાન્ય રીતે બંધ કરવાની જરૂર નથી.
• જો તમે warfarin, acitrom કે clopidogrel લેતા હો, તો જે ડોક્ટરે એ દવા લખી હોય તેમને પૂછ્યા વગર બંધ ન કરો.
• તપાસના દિવસે સવારે ડાયાબિટીસની દવા ન લેવી.

તપાસના 4 કલાક પહેલાં ખાવા-પીવાનું સંપૂર્ણ બંધ કરો.

દૂરબીનથી તપાસ (અપર જીઆઈ એન્ડોસ્કોપી)

• 8 કલાકનો ઉપવાસ ફરજિયાત છે. ચ્યુઇંગ ગમ, મુખવાસ કે ગોળી પણ નહીં — કંઈ ખાધું હશે તો તપાસ બીજા દિવસ પર મુલતવી રાખવી પડશે.
• તપાસના 4 કલાક પહેલાંથી કંઈ પણ પીવું નહીં.
• દાંત સાફ કરી શકો છો, પણ પાણી ગળવું નહીં.
• નસ વાટે થોડી ઘેનની દવા આપવામાં આવે છે. સામાન્ય એન્ડોસ્કોપીમાં આશરે 10 મિનિટ લાગે છે.

બંને તપાસ માટે

• તમારા સમય કરતાં ઓછામાં ઓછું એક કલાક વહેલા આવો.
• સાથે એક પુખ્ત વ્યક્તિ હોવી ફરજિયાત છે. ઘેનની દવાને કારણે આ જરૂરી છે.
• તપાસ પછી એકલા ટેક્સી કે રિક્ષામાં ઘરે જવું નહીં.
• પછીના 12 કલાક સુધી વાહન ન ચલાવો, મશીન ન વાપરો અને દારૂ ન પીવો.
• અગાઉના રિપોર્ટ, સોનોગ્રાફી કે સીટી સ્કેન અને ચાલુ દવાઓની યાદી સાથે લાવો.